MAMA
Fony teo ianao, izaho mihevitra mihintsy
Fa ampy ahy hatrizao,
Ireo taona vitsivitsy ahafahako mijoro
Samirery, tsy hatoro !
Manko, lasa ianao tsy tāna,ary tsapako mazāna
Fa manao fanahin-jaza,
Mikavia, solafaka aza,mitady zahatra hamaharana
Toy ny olo-nosomparana ...
Mbetika mirenireny 'ty zanakao tsy misy reny !
Raha tanilanao fahiny
Izany izaho no tsy tamāna,
Miaiky aho ankehitriny :
"Sarobidy ianao ry Mama !"
LILA HANITRA R.