NY SORATRO
Ny
soratro,
No hany mba fiononako raha lena ity masoko,
ka mando koa izato tavako
Dia ny soratro no havako
Ny
soratro,
No mankahery ity foko
Raha mitady hitoloko fa resy tamim-piadiana,
Dia ny soratro itokiana
Ny
soratro,
Amoahako ny hatezerana, mibosesika miserana
Satria ny soratro ihany no mety hahafehy izany
Fa ny soratro,
No itovozako ireo hery,hanasitrana ny fery,
Raha sendra izay maratra,
Ny soratro eo hampitraka.
ka io soratro io,
Ho boiboikan-kafaliana haharesy hakiviana
Ho soritrin'ny fandresena,sy fifaliana sesehena.
Eny
ho aho ry soratro,
Fa hanidina ny taona,ary koa irony teny,
Fa hitoetra kosa ianao ry soratro
Eny rehetra eny
Ary raha ho faty aho,
ka ho tapitra ny orako,
Aoka ianao ho lova soa,
Ry soratra, ry soratro
LAINA (22.06.95)